Мамлекеттик миграция кызматынын маалыматына караганда, 1991-жылдан бери 500 миңден ашуун кыргызстандык орус жарандыгына ээ болгон.
Бирок, эл аралык уюмдардын байкоосунда орус жарандыгын алган кыргызстандыктардын саны кыйла көп болушу мүмкүн. Анткени айрым мигранттар Орусияда социалдык жеңилдиктерге карап жарандык алган. Ошол эле учурда кыргыз паспортун да тапшырган эмес.
Мындан сырткары өлкөдө бизнес, спорт чөйрөсүнөн келгендердин арасында кош жарандыгын жашырган саясатчылар көп экени айтылат. Алар Орусияда, Казакстанда ишкерлик кылыш үчүн кыргыз паспортун тапшырбай туруп барган жеринин жарандыгын алышкан. (TSh)
