Бишкекте коомдук-саясий уюмдар уюштурган "Кыргызстан: кечээ, бүгүн, эртең" курултайы жыйынтыкталды.
Анда азыркы мамлекет башчысы Сооронбай Жээнбековдун бир жылдык ишинин жыйынтыгы канааттандырарлык деп табылды. Ал эми мурдагы президент Алмазбек Атамбаевдин алты жылдык иши канааттандырарлык эмес деп, анын ишмердүүлүгүнө укуктук баа берүү, кол тийбестигинен ажыратуу керек деген талап коюлмай болду.
Ошондой эле Атамбаевдин тушунда камалган саясатчылардын ишин кайра кароо, жаңы Конституция кабыл алуу зарылдыгы белгиленип, Жогорку Кеңештин ишин жетишсиз деп баалоо чечими кабыл алынды. (BTo)
