Линктер

ЧУКУЛ КАБАР!
7-Март, 2021 жекшемби, Бишкек убактысы 21:15

Казакстан Орусиядагы жапырт мушташка кыргыздар аралашпаганын билдирди


Иллюстрациялык сүрөт.

Казакстандын Ички иштер министрлиги Орусияда казак жарандары катышкан жапырт мушташ тууралуу комментарий берип, ага кыргыздар аралашпаганын билдирди.

Мурдараак орус басылмалары Амур аймагындагы газ иштеткен заводдо 22-ноябрда кыргызстандыктар менен казакстандыктар мушташканын жазган болчу.

"Казинформ" агенттиги Ички иштер министрлигинин маалыматына таянып кабарлагандай, аталган заводдун курулушундагы мушташка казак жана тажик жарандары катышкан. Алар ошол жердеги жумушчулар экени айтылууда.

Расмий кабарга ылайык, жаңжалга катышкандардын тек-жайы аныкталган, чоо-жайын жергиликтүү күч органдары иликтеп жатат. Баштапкы маалыматтарга караганда, талашка өз ара келишпестик себеп болгон. Мушташкандардын бири реанимацияда жатат. Интернетте жаңжал тартылган видео да тарады.

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG