Линктер

ЧУКУЛ КАБАР!
26-Февраль, 2021 жума, Бишкек убактысы 11:25

Салык кызматы Атамбаевдин декларациясы сыр экенин билдирди


Алмазбек Атамбаев.

Мамлекеттик салык кызматы экс-президент Алмазбек Атамбаевдин киреше жана чыгашасын көрсөткөн декларациясы сыр экенин айтып, маалымат берүүдөн баш тартты.

Аталган кызматтын “Азаттыкка” жөнөткөн расмий катында жеке жактардын байлыгы тууралуу маалымат берилбей турганы айтылган. Анда Атамбаев мурдагы президент катары катары эмес, жөнөкөй жаран катары белгиленип калган.

“Азаттык” мурдагы президент Алмазбек Атамбаевдин байлыгы боюнча коомчулукта айтылып жаткан кептердин чын-бышыгын аныкташ үчүн журналисттик иликтөө жүргүзүп жаткан. Ага ылайык, Атамбаевдин мамлекетти башкарып турган учурда тапшырган декларациясы боюнча маалымат суралган.

Буга чейин мамлекеттик кызматкерлердин киреше-чыгашасы тууралуу толтурган декларациясын көзөмөлдөп келген Кадр кызматы толук архив Мамлекеттик Салык кызматына өткөрүлүп берилгенин айткан.

Былтыр 5-апрелде президенттик сайтка ошол кездеги мамлекет башчы Алмазбек Атамбаев башкы прокурор Индира Жолдубаеваны кабыл алып, 2003-жылы январда Түркиянын Измир шаарындагы өнөр жай ишканасындагы өзүнө таандык акциялар пакетин түркиялык ишкерге 45 млрд. түрк лирасына же ошол кездеги курс менен 35 млн. долларга сатканын күбөлөндүргөн документтерди бергени кабарланган.

Ошондон кийин коомдук ишмер Эдил Байсалов өз иликтөөсүнө таянып, Атамбаевдин үлүшү сатылган 45 млрд. түрк лирасы 2003-жылы 35 млн. доллар эмес, 27 миң доллардай акча болгонун жазып чыккан.

23-ноябрда Башкы прокуратура экс-президент Алмазбек Атамбаевдин Түркиядагы бизнесин сатууга байланыштуу жагдайларды териштирүүнү УКМКнын Коррупцияга каршы кызматына тапшырганы белгилүү болгон. (ЕВМ/КЕ)

Пикирлерди көрүңүз (15)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG