Хорватиялык футболчу Лука Модрич Европанын футбол ассоциациясы тарабынан берилүүчү “жылдын мыкты футболчусу” наамын алып, “алтын топ” менен сыйланды. Натыйжада, Модрич он жылдан бери бул сыйлыкты эч кимге бербей келе жаткан Криштиану Роналду менен Лионел Мессини артка калтырды.
180ден ашык өлкөнүн журналисттеринин добуш берүүсүнүн натыйжасында Лука Модрич 759 упай топтоду. Экинчи орунду 476 балл менен португалиялык Криштиану Роналду ээледи. Ал эми франциялык Антуан Гризманн 414 упай менен үчүнчү орун алды.
33 жаштагы Лука Модрич Испаниянын “Реал” клубунда жарым коргоочулук позицияда ойнойт. (SDz)
