Бишкекте №17 троллейбус менен жеңил автоунаа кагылышып, машиненин айдоочусу каза болду. Жол кырсыгы бүгүн, 5-декабрда эртең мененки саат 7ге жакын Юнусалиев проспектиси менен Суванбердиев көчөсүнүн кесилишинде болгон.
Окуя тартылган сүрөттөрдү күбөлөр Интернетке жарыялашты. Троллейбус Юнусалиев көчөсү аркылуу түндүк тарапты көздөй баратканда Суванбердиев атындагы көчөнүн кесилишинде жеңил автоунаа каршы тилкеге чыгып, кагылышуу болгону айтылып жатат. Автоунаанын айдоочусу ошол жерде каза болгон. Троллейбустун айдоочусу ооруканада экени кабарланды.
