5-декабрда АКШнын экс-президенти, маркум Жорж Бушту акыркы сапарга узатуу иш-чараларына байланыштуу Вашингтондун бир канча жерине чектөө киргизилет.
Американын 41-президенти, Жорж Буштун улуусу 30-ноябрда 94 жаш курагында дүйнө салган. 5-декабрда Вашингтондогу улуттук кафедралдагы мамлекеттик коштошуу зыйнатында анын уулу, экс-президент, кичүү Жорж Буш, ошондой эле Канаданын мурдагы премьер-министри Брайан Малруни жана башкалар сөз сүйлөйт.
Бирок Буштун үй-бүлөсүн сындап келген азыркы президент Дональд Трамп сөз албайт. Бул 1973-жылдан бери биринчи жолу мурдагы мамлекет башчысын акыркы сапарга узатууда кызматтагы президент сөз сүйлөбөйт дегенди билдирет.
Кошмо Штаттардын көзү тирүү мурдагы президенттери - Жимми Картер, Билл Клинтон жана Барак Обама тажияга жубайлары менен катыша турганы кабарланды.
Маркум Жорж Буштун сөөгү 6-декабрда Хьюстондо, анын президенттик китепканасынын аймагында, жубайы Барбаранын жанында жерге берилет.
