Линктер

ЧУКУЛ КАБАР!
19-Март, 2024-жыл, шейшемби, Бишкек убактысы 08:06

Өзгөндө Автоунаа каттоо департаментинин жетекчилигине иш козголду


Иллюстрациялык сүрөт.
Иллюстрациялык сүрөт.

Ош облустук прокуратурасы Өзгөн районунун автоунаа каттоо департаментинин жетекчилигине кылмыш ишин козгоду.

Башкы прокуратуранын басма сөз кызматы кабарлагандай, Мамлекеттик каттоо кызматынын Өзгөн райондук автоунааларды жана айдоочулар курамын каттоо департаментинде 2017-жылы чет жактан кирген 17 автоунаа толук текшерүүсүз, жасалма документтердин негизинде каттоого алынган.

Натыйжада мамлекетке 10 млн. 278 миң сомдук зыян келтирилген. Ош облустук прокуратурасы тарабынан аталган департаменттин жетекчилигине Кылмыш-жаза кодексинин 210-беренеси (“Бажы төлөмдөрдү төлөөдөн качуу”), 304-беренеси (“Кызмат абалынан кыянаттык менен пайдалануу”), 315-беренеси (“Кызматтык жасалмалоо”) менен кылмыш иши козголду. Учурда иликтөө иштери жүрүп жатат. (MdN)

XS
SM
MD
LG