Кол тийбестик боюнча мыйзам Атамбаевге каршы жазылган эмес.
Мындай пикирин бүгүн Бишкекте өткөн пресс-конференцияда мамлекет башчысы Сооронбай Жээнбеков билдирди:
- Бул Конституцияга шайкеш келтирүү боюнча мыйзам. Ал мага да тиешелүү. Ар адам кийинкисин ойлош керек. Менин атам “мамлекеттин укуругу узун” деп айтчу. Баарыбыз мыйзам алдында бирдей болушубуз керек. Экс-президентти кандай учурда жоопко тартуу жобосу даана ,так жазылышы зарыл. Мен эч кимди жоопко тартпайм, мыйзам, тиешелүү органдар жоопко тартат.
Кыргызстанда экс-президент деген макамы бар мурдагы өлкө жетекчилеринин кол тийбестигин алуу тууралуу мыйзам долбоору жакында Жогорку Кеңеште биринчи окууда жактырылды. (EBM)
