КСДП фракциясынын депутаты Асел Кодуранова Жогорку Кеңештин вице-спикерлигинен алынды. Фракциянын бул тууралуу сунушун бүгүн парламентте жыйынга катышкан 111 депутаттын 92си колдоп, 19у каршы добуш беришти.
Парламенттин КСДП фракциясы 14-декабрда кезексиз жыйынга чогулуп, фракциянын атынан сунушталган депутат Асел Кодуранованы вице-спикерлик кызматтан алууну чечкен.
Кодуранова вице-спикерлик кызматка 2017-жылы шайланган.
КСДПнын айрым өкүлдөрү фракциянын чечими мыйзам бузуу менен кабыл алынганын айтууда. (BTo)