Кадамжай районундагы Үч-Коргон айыл өкмөт башчысына жер маселесине байланыштуу жергиликтүү элдин нааразылыгы күч алды. Аталган айыл өкмөт башчысынын Боз, Сулайманабад айылдарындагы жер тилкелерин турак жай тургузууга берүүсүнө байланышкан кылмыш иштерин облустук прокуратура козгоп, иликтөөгө жиберген. Ошол эле учурда жергиликтүү активисттер айыл өкмөт башчысы Кызыл-Кыя аэропортуна тиешелүү жерди да турак жай курууга берип салган деп даттанууда.