Президентке караштуу Сот реформасы боюнча кеңештин жыйыны өтөт. Бул тууралуу 24-декабрда мамлекет башчы Сооронбай Жээнбеков Судьяларды тандоо боюнча кеңештин жаңы шайланган төрайымы Элмира Барыктабасованы кабыл алган учурда белгилүү болду. Анда кеңештин иши талкууланып, сот реформасынын алкагында кеңештин орду, аткара турган иштери туурасында маалымат берилди.
Мамлекет башчы сотторду тандоо сынагын өткөрүүнүн сапатын жогорулатуу жана жаңы талапкерлерди тандоодо алардын кесипкөйлүк, адилеттүүлүк, адамдык сапаттарына өзгөчө көңүл буруу керек экенин белгиледи.
Барыктабасова кеңешке төрайым болуп 21-декабрда шайланган. (КЕ)
