Быйыл Кыргызстанга чет өлкөдөн келген түз инвестициянын жалпы көлөмү азайды. Бул тууралуу “Азаттыкка” Улуттук статистика комитети кабарлады.
Мекеменин өкүлү Камила Тукееванын айтымында, былтыркы жылга салыштырганда бул көрсөткүч 31,5% кем болду.
- Баткен, Чүй, Ысык-Көл облустарында жана Ош шаарында кескин азайды, - деди ал инвестиция тууралуу.
Улуттук статистика комитетинин маалыматына караганда, 2017-жылы сырттан келген инвестиция 503 миллион долларга жеткен болсо, быйыл 345 миллионду түздү.
Ошол эле учурда Кыргызстандан чыгып кеткен чет өлкөлүк түз инвестициянын көлөмү көбөйгөнү байкалды. (KJ)
