Линктер

ЧУКУЛ КАБАР!
20-Июль, 2024-жыл, ишемби, Бишкек убактысы 03:02

55 өлкө менен визасыз катташуу келишиминин мөөнөтү узартылат


Иллюстрациялык сүрөт.
Иллюстрациялык сүрөт.

Кыргызстандын 55 өлкө менен 60 күнгө чейин визасыз катташуу келишиминин мөөнөтү узартылат. Буга байланыштуу мыйзамдын долбоорун Жогорку Кеӊештин тармактык комитети 25-декабрда экинчи окууда жактырды. Мыйзам долбоорун иштеп чыккандардын бири, депутат Дастан Бекешевдин айтымында, айрым өлкөлөр менен 60 күнгө чейин визасыз катташуу мөөнөтү 2020-жылдын 31-декабрында аяктайт.

- Атайын кызматтар терроризм жана экстремизм коркунучтары сындуу коркунучтарды мисал келтирип, коопсуздук маселесин байма-бай эске салып жүрүшөт. Бирок биз мыйзамдарды либералдаштыруудан коркпошубуз керек. Мындай келишимдер өлкөнүн экономикасын, анын ичинде туризм тармагын өнүктүрүүгө өбөлгө түзөт, - деди ал.

Буга чейин өкмөт мурда келишим түзүлгөн 45 өлкөнүн тизмесине дагы 10 мамлекетти кошууну, 60 күнгө чейин визасыз катташуу мөөнөтүн 2030-жылга чейин узартууну сунуш кылган. Тизмеге жаңы кошулган өлкөлөр: Болгария, Кипр, Румыния, Черногория, Андорра, Бразилия, Сан-Марино, Чили, Аргентина, Оман. Мыйзам долбоордун автору мындай сунушка макул болгон. (КЕ)

XS
SM
MD
LG