Линктер

ЧУКУЛ КАБАР!
7-Март, 2021 жекшемби, Бишкек убактысы 21:16

Банк уячаларын текшерүү боюнча жобону аткаруу токтотулду


Гуламжан Анарбаев.

Финансылык чалгын кызматынын банк эсептерин жана уячаларды текшерүү боюнча жобосу кайтарылып алынып, аны аткаруу токтотулду. Бул тууралуу 25-декабрда аталган кызматтын жетекчиси Гуламжан Анарбаев парламенттин тармактык комитетинде билдирди. Ал кардарлардын банктагы маалыматын ачыкка чыгаруу боюнча шашылыш чечим кабыл алынып калганын мойнуна алды.

Буга чейин Интернетке Финансылык чалгын боюнча мамлекеттик кызматтын төрагасы Гуламжан Анарбаевдин "өтө маанилүү" деген белги коюлган, коммерциялык банктарга жиберилгени кабарланган каты жарыяланган.

Документте "Террористтик ишти каржылоого жана кылмыштуу кирешелерди легалдаштырууга (адалдоого) каршы аракеттенүү жөнүндө" мыйзамды аткарууга байланыштуу 17-декабрга чейин бардык кардарлардын эсептери жана уячалары тууралуу маалымат берүү талабы коюлган.

Бирок банк тармагы боюнча экcперттер Финчалгын кызматынын талабы мыйзамсыз экенин айтып чыгышкан.

Жогорку Кеңештеги КСДП фракциясынын төрагасы Иса Өмүркулов Финансылык чалгын кызматынын коммерциялык банктардагы уячалар жана эсептер боюнча маалыматты алуу аракетин чыккынчылыкка теңеген.

24-декабрда кызматтын төрагасы Гуламжан Анарбаевге сөгүш жарыяланган. (КЕ/KJ)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG