Линктер

ЧУКУЛ КАБАР!
25-Февраль, 2021 бейшемби, Бишкек убактысы 09:26

Ирак Рождествону мамлекеттик майрамдардын катарына кошту


Ирактагы христиандар.

Ирак өкмөтү Рождествону (Иса пайгамбардын туулган күнүн) мамлекеттик майрам катары белгилөө тууралуу чечим кабыл алды. Христиандардын диний майрамдары буга чейин мамлекеттик деңгээлде белгиленген эмес.

1990-жылдардын башында Иракта 1,5 миллион христиан жашаса, былтыр алардын саны 200 миңдин тегерегинде экени айтылган. Ирактын 36 миллиондой элинин көбү ислам динин тутунат.

Кечээ жакында Иракка Ватикандын мамлекеттик катчысы Пьетро Паролин келип кеткен. Жергиликтүү христиан коомчулугу анын сапары Рим Папасы Францисктин Иракка келишине чыйыр салат деп үмүттөнөрүн билдиришкен.

Иракта христиандар куугунтукка кабылып, "Ислам мамлекети" террордук тобу сыяктуу уюмдардын бутасына айланган учурлар бар. "Open Doors" укук коргоо уюмунун маалыматына караганда, Ирак христиандар куугунтукталган өлкөлөрдүн тизмесинде 8-орунда турат.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG