Иран менен Орусия Каспий деңизинде аскердик машыгуу өткөрүшөт

6-Январь, 2019

Иран менен Орусия Каспий деңизинде "жакынкы келечекте" аскердик машыгуу өткөрүүнү пландап жатышат. Бул тууралуу 6-январда Ирандын "Мехр" маалымат агенттиги кабарлады.

Агенттик контр-адмирал Хосейн Ханзадинин айткандарына таянып жазганына караганда, эки өлкө "тактикалык, куткаруучу жана деңиз каракчыларына каршы" аскердик машыгууларды уюштурат.

Иран менен Орусия Каспийде машыгууларды 2015 жана 2017-жылдары да өткөрүшкөн.

Ханзади Каспийдин жээгиндеги бардык өлкөлөр башка мамлекеттердин кандай гана кийлигишүүсү болбосун, баарына каршы экенин айтты. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

дагы пикирлерди жүктөө