Ян Палах - эркиндикти сүйгөн элдин символу
Мындан туура 50 жыл мурун 20 жаштагы студент Ян Палах Праганын борборунда советтик баскынчылыкка жана оккупацияга каршылыгын билдирип, өзүн өрттөөгө барган. Ал бул кадамын чехославакия коомун ойготуу максаты деп түшүндүргөн. 1968-жылдын августунда Советтер союзу башында турган "Варшава келишимине» кирген өлкөлөрдүн армиясы Чехословакияга басып кирип, жүздөн ашуун адам курман болгон. Ян Палах ушул окуялардан беш-алты ай өткөндөн кийин өзүнө өрт койгон. Мындай кадамга баргандар ага чейин да, андан кийин да болгон.