Кечээ түндө Азия кубогундагы финалдын 1/8 бөлүгүндөгү оюндарынын акыркылары жыйынтыкталды. Анда Бахрейн менен Түштүк Корея ойноп, бахрейндиктер 2:1 эсебинде жеңилип, чемпионат менен кош айтышты.
Катар менен Ирак чейрек финалга калган акыркы жолдомону талашып, Катар 1:0 менен Иракты утуп алды.
Натыйжада чейрек финалда төмөнкү жуптар ойнойт:
Вьетнам – Жапония
Кытай – Иран
Түштүк Корея – Катар
БАЭ – Австралия
Оюндар 24-25-январь күндөрү өтөт. Түгөйлөрдүн жеңүүчүлөрү жарым финалга жолдомо алса, жеңилгендер кубоктон четтейт.
Азия кубогу быйыл Бириккен Араб Эмираттарында өтүп жатат. Чемпионат 1-февралда жыйынтыкталат. (SDz)
