Линктер

ЧУКУЛ КАБАР!
1-Март, 2021 дүйшөмбү, Бишкек убактысы 08:13

Абылгазиев: Сулайман-Тоо комплексин ишкерлер менен чогуу иштетүү керек


Ош шаарындагы Сулайман-Тоо.

Премьер-министр Мухаммедкалый Абылгазиев Кыргызстандын экономикасында туризм келечектүү тармагы болуп саналарын өкмөтүн кезектеги жыйынында билдирди.

Өкмөт башчы учурда туризмден түшкөн киреше ички дүң продукциянын 5% түзөрүн, ага салыштырмалуу айыл чарбасы 13-14% жетерин белгиледи. Ал туризмден каражатты көбүрөөк табуу үчүн туристтер кызыга турган жайларды, тарыхый-маданий комплекстерди жеке ишкерлер менен чогуу иштетүүнү сунуш кылды.

- Биз жеке менчик түрүнө карабастан, туризм объекттерине өзгөчө көңүл бурууга тийишпиз. «Таш-Рабат», «Сулайман-Тоо», «Санташ», «Жыргалаң», «Ысык-Ата» сыяктуу маданий объектилерди жана башка мамлекеттик ден соолукту чыңдоочу комплекстерди мамлекеттик-жеке өнөктөштүк алкагында өнүктүрүү зарыл деп эсептейм. Биз бул объекттер мамлекеттин кызыкчылыгында натыйжалуу иштешин каалайбыз. Бизнести туризм тармагын өнүктүрүүгө тартуу кажет,-деди Абылгазиев.

Премьер-министр туризм тармагындагы кирешени арттыруу үчүн бул жаатта атайын мамлекеттик ишкана түзүү пландалып жатканын кошумчалады.

Кеңешмеде маданият, маалымат жана туризм министри Азамат Жаманкулов өкмөттүн “2019-2023-жылдарга туризм чөйрөсүн өнүктүрүү программасын бекитүү жөнүндө” программасы боюнча баяндама жасады. Мунун алкагында министр туризмдин ИДПдагы үлүшүн 7% кем эмес деңгээлге жеткирүү, атамекендик туристтик тармакты өнүктүрүү үчүн жагымдуу шарттарды түзүү, ошондой эле туристтик ишмердүүлүктүн ар кыл түрлөрүн өнүктүрүүгө көңүл буруу иштери аткарыларын кошумчалады.

Сулайман-Тоо археологиялык музей-комплекси Ош шаарынын тарыхый бөлүгүнүн борборунда жайгашкан. 2009-жылдын 26-июнунда ЮНЕСКОнун Дүйнөлүк мурастар тизмесине “Касиеттүү тоо” номинациясы боюнча киргизилген. (ErN)

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

Сунуш кылынган арга.

XS
SM
MD
LG