Вашингтондогу "Нюзеум" медиа музейи карызга батканынан улам өз имаратын Жон Хопкинс университетине ижарага бермей болду. Музейдин басма сөз кызматынын маалыматына караганда, карыз 372,5 миллион долларга барабар.
"Нюзеум" - Вашингтондогу эл эң көп барган музейлердин бири. Жыл сайын ал жерге 800 миң киши барат.
2008-жылы музейди караган уюм ал жердеги курулуш иштери үчүн 600 миллион сарптаган. Бирок бул акча ишмердикти улантууга жетпей калганы айтылууда.
"The Washington Post" басылмасы билдиргендей, Капитолий имаратына жакын жерде 2008-жылы ачылган бул музей ушул күнгө чейин зыянга иштеген.
Музейде кесиптик ишмердигине байланыштуу курман болгон дүйнөдөгү 1843 журналисттин сүрөтү иинип, аты-жөнү дубалга жазылган. Алардын арасында кыргызстандык Алишер Саипов да бар.
