Тиркеме "Бал тил" деп аталат. Аны мамлекеттик тил боюнча улуттук комиссия иштеп чыккан.
Комиссиянын төрагасы Назаркул Ишекеев 29-январда журналисттерге билдиргени боюнча, "Бал тил 1" үч-беш жаштагы балдар үчүн, ал эми "Бал тил 2" башталгыч класстардын окуучулары үчүн ылайыкталып жасалган.
- Тиркемедеги программалар сүрөттөрдөн, анимациялардан, аудио жана логикалык оюндардан турат. Бул кичинекей балдардын кыргыз тилин үйрөнүшүнө өтө жакшы мүмкүнчүлүк, - деди комиссиянын башчысы.
"Бал тил" тиркемесин "Android" жана iOS платформалуу телефондорго орнотууга болот. (ZA/ZKo)
