Линктер

ЧУКУЛ КАБАР!
27-Февраль, 2021 ишемби, Бишкек убактысы 05:03

Пентагон: ИМ жарым жылда Сириядагы аймактарды кайра ээлеши мүмкүн


Сүрөттүн жаңылыкка тиешеси жок.

Дональд Трамп АКШнын аскерлери Сириядан чыгарыларын жарыялагандан көп өтпөй Пентагон "Ислам мамлекети" террордук тобу Сирияга кайра кириши мүмкүн экендиги тууралуу баяндама жарыялады.

4-февралдагы баяндамага ылайык, АКШнын кошуундары Сириядан кеткенден кийин жарым жылдан бир жылга чейинки аралыкта "Ислам мамлекети" тобу "колдон чыгарган аймактарды кайра ээлеши" ыктымал.

Пентагон аталган топ ай сайын дагы эле чет элдик ондогон жоочуларды жалдап, аларды Ирак менен Сирияга жөнөтүп жатканын белгилеген.

Баяндамада "Ислам мамлекети" тобу Сирияга караганда Иракта күчтөнүп жатканы айтылган. Андыктан Пентагон бул эки мамлекетте согушкерлерге каршы күрөшүүдө жергиликтүү армия АКШнын кошуундарынын көмөгүнө муктаж деп эсептейт.

2018-жылдын 18-декабрында АКШ президенти Дональд Трамп Сириядагы эки миңдей америкалык аскер кетерин айткан. Трамптын бул чечими АКШнын өнөктөштөрүн таң калтырып, Трамптын администрациясы да муну сындап келет.

Өлкө армиясынын басма сөз кызматы 11-январда Сириядагы АКШ жетектеген коалиция мамлекеттен аскерлерди чыгара баштаганын кабарлаган.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG