Линктер

ЧУКУЛ КАБАР!
7-Декабрь, 2021 шейшемби, Бишкек убактысы 17:59

Стамбулдагы кырсыкта каза тапкандардын саны 10го жетти


Стамбул шаардык бийлигинин маалыматы боюнча, кулап калган имараттагы 14 батирде 40тан ашуун киши жашачу.

Түркиянын Стамбул шаарындагы көп кабаттуу үй кулаган кырсыкта дагы төрт киши каза тапканы аныкталды. Бул тууралуу Стамбул шаарынын губернатору Али Йерликая билдирди:

- Кулаган үйдүн астында калгандарды куткаруу иштери жүрүп жатат. Бүгүн кечинде дагы төрт кишинин сөөгүн алып чыктык. Тилекке каршы ушуну менен каза болгондордун саны 10го жетти.

Кырсык 6-февралда Стамбул шаарынын Азия бөлүгүндөгү Картал районунда болгон. Анда көп кабаттуу үй кулап ондон ашуун адам ооруканага жеткирилген. Кырсыктын себеби боюнча расмий маалымат бериле элек. Бирок Стамбулдун губернатору белгилегендей, имараттын биринчи кабатында мыйзамсыз иштеген текстиль фабрикасы орун алган. Ал эми имараттын жогорку үч кабаты уруксатсыз курулган.

Түркиянын Өзгөчө кырдаалды жөндөө мекемесинин кызматкерлери урандынын алдында калгандарды издөө жана куткаруу иштерин улантууда. Стамбул шаардык бийлигинин маалыматы боюнча, кулап калган имараттагы 14 батирде 40тан ашуун киши жашачу. Окуя боюнча Стамбул шаардык прокуратурасы кылмыш ишин козгоду.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG