Линктер

ЧУКУЛ КАБАР!
3-Март, 2021 шаршемби, Бишкек убактысы 09:37

"Дени сак эл" уюмунун адистери Алайда миңдей адамды акысыз дарылашты


"Дени сак эл" ассоциациясынын дарыгери бейтапты текшерип жатат. Алай, Ош, Кыргызстан.

Оштогу "Дени сак эл" дарыгерлер ассоциациясынын кызматкерлери соңку бир апта ичинде Алай районунда миңден ашык тургунду текшерип, дарылап келишти. Бул тууралуу “Азаттыкка” уюмдун жетекчиси Максатбек Жумабаев билдирди.

Алар барган жерлеринде 20дай медициналык адистик боюнча бейтаптарды көрүп, кеңеш беришти. Оор абалдагыларды ооруканаларга алып келип дарылашты.

Көз каранды эмес "Дени сак эл" дарыгерлер ассоциациясы 2017-жылдын март айында түзүлгөн. Уюмга Ош, Жалал-Абад жана Баткен облустарындагы ооруканаларда иштеген дарыгерлер кирет. Алар ыктыярдуу түрдө жумуштан тышкаркы убакта адистер жетишпеген аймактарда жашаган тургундарга акысыз жардам көрсөтүүнү максат кылат. Ыктыярчылар эки жыл ичинде Ош, Жалал-Абад жана Баткен облустарынын алыскы айыл-кыштактарын кыдырып, кеминде 20-30 миңдей адамга акысыз көмөк көрсөтүшкөн. Мындан сырткары алар карылар, майыптар үйлөрүндөгүлөргө да жардам кылып турушат. (ErN)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG