Линктер

ЧУКУЛ КАБАР!
30-Ноябрь, 2021 шейшемби, Бишкек убактысы 09:18

Финансы министрлиги: Пенсия, жөлөкпулга мамлекеттин карызы жок


Иллюстрациялык сүрөт.

Мугалимдердин, дарыгерлердин айлык акылары, пенсия жана жөлөкпулдар өз убагында, мөөнөтүнөн кечиктирилбей төлөнүүдө. Бул тууралуу Финансы министрлигинин басма сөз кызматы Борбордук казыначылыкка шилтеме кылып «Азаттык» радиосуна кабарлады.

Министрликтин маалыматы боюнча, 8-январдан 11-февралга чейинки аралыкта:

-Билим берүү жана илим министрлигине - 1 млрд. 387,7 млн. сом;

-Саламаттык сактоо министрлигине – 84,7 млн. сом;

- Эмгек жана социалдык өнүгүү министрлигине – 1 млрд. 210,7 млн. сом которулуп берилген.

Ошондой эле мамлекеттик бюджеттен Социалдык фондго 2 млрд. 853,2 млн. сом пенсиянын акчасы, Милдеттүү медициналык камсыздандыруу фондуна 1 млрд. 356,5 млн. сом которулган.

Айрым бюджеттик кызматкерлер айлык акы берилбей жатканына нааразылыгын «Азаттыкка» билдиришкен. Өткөн айда майып балдардын ата-энелери да жөлөкпул кечиктирилип жатканына нааразылыгын айтышкан эле. (ZKo)

Пикирлерди көрүңүз (13)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG