Шаардагы үй-бүлөлүк дарыгерлер борборунун тез жардам бөлүмүнө Таш-Көмүр шаардык кеңешиндеги “Мекеним Кыргызстан” фракциясынын депутаты Кадыр Эргешбаев жаңы “Мерседес Бенз” үлгүсүндөгү автоунаа сатып берди. Бул тууралуу “Азаттыкка” дарыгерлер борборунун өкүлдөрү билдиришти.
Маалыматка ылайык депутат 13 миң долларга бааланган автоунааны белек катары өз каражатынын эсебинен сатып алган. Жаңы машине Ош-Бишкек жолунун боюндагы элди тейлөөгө бөлүндү.
Таш-Көмүрдөгү тез жардам бөлүмү 37 миң калкты тейлейт. Буга чейин бөлүмдүн эки гана автоунаасы бар болчу. (RsK)
