Линктер

ЧУКУЛ КАБАР!
4-Декабрь, 2021 ишемби, Бишкек убактысы 14:09

Ирандын сакчылар корпусунун кеминде 20 мүчөсү курман болду


Ислам революциясынын сакчылар корпусунун автобусуна кол салуу болгон жерде, 13-февраль, 2019-жыл.

Ирандын түштүк-чыгышында жанкечтинин кол салуусунан Ислам революциясынын сакчылар корпусунун кеминде 20 мүчөсү курман болуп, дагы ону жараат алды. Бул тууралуу Ирандын IRNA жана Fars маалымат агенттиктери кабарлашты.

Кол салууну сунни согушкерлеринин "Жаиш ал-Адл" тобу өз мойнуна алды.

Fars агенттигинин кабарына караганда, жанкечти сакчылар корпусунун кызматкерлерин салган автобуска барып урунган. Аскерлерди салган автобус Пакистан менен чектеш аймактагы Систан-Белужистан провинциясындагы Захедан жана Хаш шаарларынын ортосунда чабуулга кабылды.

Кол салуунун чоо-жайы азырынча белгисиз.

29-январда Захедан шаарында кош жарылууда полиция офицери жабыркаган. Былтыр декабрда Чабахар шаарында жанкечтинин жардыруусунан эки полиция кызматкери курман болуп, 42 киши жараат алган. Бул провинцияда сунни мусулмандары - белужилер жашайт. Аймак ошондой эле баңгизат ташыгандардан такай жапа чегет.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG