Бул тууралуу буйрукка премьер-министр Мухаммедкалый Абылгазиев кол койгонун өкмөттүн басма сөз кызматы кабарлады.
Иске ууланып, ооруканада жаткан балдардын абалы менен 12-февралда вице-премьер-министр Алтынай Өмүрбекова таанышып келген.
11-февраль күнү Бишкектин четиндеги Келечек жаңы конушунда үйлөрдүн биринде өрт чыгып, андан эки-үч жашар үч бала ууланган. Кырсык учурунда балдардын атасы жумушта болуп, ал эми кош бойлуу энеси поликлиникага кеткен. Өрттү көрүп калган кошунасы балдарды өз автоунаасы менен ооруканага жеткирген.
Бишкектеги №3 балдардын тез жардам ооруканасында жандандыруу бөлүмүндө жаткан балдардын абалы жакшыра баштаганы айтылууда.
Өрттө болгон мүлкүнөн ажыраган үй-бүлөгө социалдык мекемелер, кайрымдуу адамдар тарабынан жардам чогултулуп, акчалай каражат да топтолуп берилүүдө.
Атасынын атына Элсом капчыгынан эсеп ачылган, номуру 0700 29 23 95.(ZKo)