Кадамжай районундагы Жаңы-Жер аймагында кыргыз-өзбек чек арасынан жез алып өтүү аракетине кыргызстандык чек арачылар бөгөт коюшту.
Мамлекеттик чек ара кызматынын маалыматы боюнча, Өзбекстандын жарандары жез салынган сегиз капты чек ара бекетинен алыс жерден аткезчилик жол менен алып өтүүгө аракеттенишкен.
Чек арачыларды көргөндө алар автоунаасын таштап, өздөрү Өзбекстандын аймагына кире качышкан. Сегиз капта жалпысынан 365 килограмм жез болгон. Ал 119508 сомго бааланууда.
Тиешелүү документтер толтурулган соң, кармалган жүк УКМКнын Баткен облусундагы башкармалыгына өткөрүлүп берилди. (JsA)
