Өкмөт Бишкектеги Жаш көрөрмандар театрынын имаратын жана репертуарын жаңылоо зарыл деп эсептейт. Бул тууралуу вице-премьер-министр Алтынай Өмүрбекова бүгүн 16-февралда Маданият, маалымат жана туризм министрлигинин ишин талкуулоо боюнча коллегиялык жыйында айтты.
"Бакен Кыдыкеева атындагы Кыргыз мамлекеттик жаш көрүүчүлөр театрын капиталдык ремонттон өткөрүү менен анын базасындагы балдар театрынын концепциясын иштеп чыгуу жана балдар жана өспүрүмдөр үчүн театралдык репертуарларды уюштуруу саясатын карап чыгуу зарыл» деди Өмүрбекова.
Жаш көрөрмандар театры 1929-жылы негизделген. (RK)
