Бишкектеги Келечек жаңы конушунда бир туугандары менен иске ууланып, ооруканага түшкөн 1,5 жаштагы баланын абалы жакшы. Бул тууралуу шаардык балдардын тез жардам ооруканасынын башкы дарыгери Данияр Шайбеков “Азаттыкка” билдирди. Анын айтымында, бала реанимация бөлүмүнөн чыгып, азыр палатага которулду.
11-февралда Бишкектин четиндеги Келечек жаңы конушунда үйлөрдүн биринде өрт чыгып, андан эки-үч жашар үч бала ууланган. Кырсык учурунда балдардын атасы жумушта болуп, ал эми кош бойлуу энеси бейтапканага кеткен. Өрттү көрүп калган кошунасы балдарды өз автоунаасы менен ооруканага жеткирген. Эки улуу баласы аталган ооруканада дарыланып чыккан. (КЕ/ BCh)
