Линктер

ЧУКУЛ КАБАР!
28-Февраль, 2021 жекшемби, Бишкек убактысы 22:04

Криминалга каршы мыйзамдарды күчөтүү сунушталды (видео)


Иллюстрациялык сүрөт.

Жогорку Кеңештин депутаты Дастан Бекешев Кыргызстанда кылмыштуу топтордун башчыларына каршы мыйзамдарды күчөтүүнү сунуш кылууда. Бул тууралуу ал бүгүн парламенттин жалпы жыйынында сүйлөп жатып Орусия Кылмыш-жаза кодексине «криминалдык авторитеттерге» каршы жаңы берене киргизип жатканын мисал келтирип айтты:

- Мамлекеттик Думада бул мыйзам долбоору азыр үчүнчү окууда каралууда. Мисалы, ким өзүн «мыйзамдагы ууру», «көзөмөлдөөчү» же башка кандайдыр бир криминалдык макамы бар экенин мойнуна алса, ал дароо жоопко тартылат. Бизге да ушундай мыйзам керек. Грузия мындай мыйзам кабыл алганда «кылмыштуу чөйрөнүн анабашы» дегендердин көбү Орусияга качып барышкан. Эми бизге да импорт болушу ыктымал. Себеби бизде да андайлар көбөйдү, ич ара териштирүүлөр болот деп жатышат.

​Депутат азыркы кезде жаңы кодекстерге өзгөртүү киргизүү маселесин карап жаткан мекеме аралык комиссияга тапшырма берип, мыйзамдарды тез арада өзгөртүү керек экенин айтты.

Грузиянын парламенти учурда криминалга каршы мыйзамдарды дагы күчөтүү тууралуу долбоорду талкуулап жатат. (RK)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG