Линктер

ЧУКУЛ КАБАР!
16-Октябрь, 2021 ишемби, Бишкек убактысы 22:16

Бишкекте жаңы стадион куруу боюнча инвесторлор менен сүйлөшүүлөр болду


Бириккен Араб Эмираттарындагы Аль-Айн стадиону. 25,5 миң кишиге эсептелген.

Жаштар иштери, дене тарбия жана спорт боюнча мамлекеттик агенттиктин жетекчиси Канат Аманкулов 1-мартта борбор калаада жаңы стадион курууга кызыкдар болгон инвесторлор менен жолугуп, сүйлөштү.

Бул тууралуу аталган агенттиктин басма сөз кызматы кабарлады. Маалыматка ылайык, инвесторлор мамлекет менен түзүлүүчү келишимдин шарттарына кызыгышты. Алар бажы жана салык төлөмдөрүнөн берилүүчү жеңилдиктер, стадион курулуучу жер тилкеси жана башка суроо-талаптары тууралуу маалымат беришти.

Мындан тышкары Жаштар иштери, дене тарбия жана спорт боюнча мамлекеттик агенттигине Бишкекке курулуучу көп функционалдуу стадиондун эки долбоору тааныштырылды.

Мурдараак социалдык тармактарда Рахатбек Байтелиев жана Кубанычбек Якутбеков көп функционалдуу стадиондун долбоорун жарыялашкан.

Мамлекеттик агенттик Бишкек шаарына Эл аралык футбол федерациясынын (ФИФА) талаптарына жооп берген, заманбап стадион курууга катышууну каалаган инвесторлорду чакырып, бул үчүн 25-февралга чейин мөөнөт берген. Азырынча сүйлөшүүгө канча инвестор катышканы тууралуу так маалымат берилген жок.

Буга чейин президент Сооронбай Жээнбеков Футбол федерациясы менен кошо футболду өнүктүрүү программасын иштеп чыгууну жана программанын алкагында Бишкекте эл аралык деңгээлдеги жаңы заманбап футбол стадионун курууну өкмөткө сунуш кылган. Мамлекет башчы бул тууралуу 24-январда улуттук курама команданын оюнчуларына жана машыктыруучуларына мамлекеттик сыйлыктарды тапшыруу аземинде билдирген.(ZKo)

Пикирлерди көрүңүз (11)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG