Линктер

ЧУКУЛ КАБАР!
22-Октябрь, 2021 жума, Бишкек убактысы 18:40

АКШ венесуэлалык 49 жетекчини визасынан ажыратты


Эллиот Абрамс.

Трамптын администрациясы Мадуро режиминин 49 өкүлүн жана алардын үй-бүлө мүчөлөрүн америкалык визадан ажыратты. Алар Венесуэла армиясынын жана коопсуздук күчтөрүнүн ири кызматкерлери. Бул тууралуу Fox News гезитине курган маегинде администрациянын Венесуэла боюнча өкүлү Эллиот Абрамс билдирди:

- Мен Мадуронун режими кулайт жана ал Венесуэладан кетет деп так айта албайм. Эгер буга үч күн калганда биздин оппоненттер администрациянын саясаты жокко чыкты деп айтса да таң калбайм.

Кошмо Штаттар Венесуэлага каршы экономикалык санкцияларды киргизген, анын ичинде энергетика тармагы да бар. Бирок бул Николас Мадуронун башкаруусун алсырата алган жок. Ошентсе да, Абрамс санкциялардын таасири билингенче убакыт керектигин айтты. Ал Венесуэла өкмөтү мунай сатууда тушугуп жаткан кыйынчылыктарды белгиледи.

Трамптын атайын чабарманы санкциялар Кубанын Венесуэла менен тыгыз байланышкан жетекчилерине тиешелүү болорун тактаган жок.

Эллиот Абрамс Венесуэла оппозициясынын лидери Хуан Гуайдо менен байланышып турат.

Гуайдо азыр Бразилияда жүрөт, бирок жакынкы күндөрү мекенине кайтып келүүнү убада кылган.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG