Ак калпакчан жаштар жөө жүрүш менен Сулайман тоого барып, музейдин айланасын таштандыдан жана чөп-чардан тазалашты.
Ага улай «Алымбек Датка» этнографиялык комплексинде «Ак калпакчандардын флешмобу» уюштурулуп, спорттун улуттук түрлөрү боюнча мелдештер өттү. «Кыргызстан» кинотеатрында облустук Өзгөчө кырдаалдар башкармалыгынын жана Улуттук гвардиянын №703 аскер бөлүгүнүн аскерлери сынакка катышты.
Ак калпак күнүн белгилөө боюнча демилге 2011-жылы көтөрүлгөн. 2017-жылы Жогорку Кеңеш 5-мартты Ак калпак жана улуттук кийимдер күнү деп жарыялаган. (MdN)