Линктер

ЧУКУЛ КАБАР!
25-Февраль, 2021 бейшемби, Бишкек убактысы 16:45

Токтонасыров: КТРКга татыксыз башчы тандалды


Өндүрүш Токтонасыров.

Жарандык активист Өндүрүш Токтонасыров Коомдук телерадиокорпорацияга (КТРК) башчы тандоонун жыйынтыгына канааттанбай турганын билдирди. Бул пикирин ал жаңы шайланган директор Жайнак Үсөн уулунун «журналисттик мыкты эмгектери жок» деген ой менен негиздеди:

- «Директорлукка Жайнак Үсөн уулу келет экен» деген имиш кептер буга чейин эле тараган болчу. «Макулдашуу жолу менен келет» деп айтышкан. Демек бул туура экен да. Мен Жайнак Үсөн уулун мыскылдап, сындагым келбейт. Бирок менин жашым алтымышка чыкса да, анын журналисттик материалдарын көргөн эмесмин. Анан кантип КТРКны жетектейт? «Күчтүү менежер» деп жатышат, бирок нагыз журналисттик эмгегин көрбөдүм.

Токтонасыров бул кызматка Адил Турдукулов татыктуу талапкер болгонун кошумчалады.

6-мартта КТРКнын жаңы жетекчиси болуп Жайнак Үсөн уулу тандалды. Жаңы жетекчи КТРКнын Байкоочу кеңешинин 15 мүчөсүнүн 13 добушун алды.

КТРКнын учурдагы директору Илим Карыпбековдун мөөнөтү 19-мартта аяктайт. Жаңы жетекчи ошондо ишке киришет.

1-мартта телеканалдын директорлугуна талапкер болгон 17 кишинин ичинен сегизи: Ибраим Нуракун уулу, Мирлан Самыйкожо, Замирбек Казакпай уулу, Галина Байтерекова, Жайнак Үсөн уулу, Болотбек Тиллебаев, Адил Турдукулов жана Сураган Босумбаев финалга өткөн эле. (SE)

Пикирлерди көрүңүз (13)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG