"Элдик парламент" деп аталган коомдук кыймылдын лидери Бекболот Талгарбеков абактан бошотулду. Бул тууралуу "Азаттыкка" анын уулу Арстан Талгарбеков кабарлады.
- Талгарбеков кечээ кечинде саат 11де бошотулду. Ал шарттуу түрдө мөөнөтүнөн мурда бошотулду. Азыр үйдө.
Талгарбеков 299-берене боюнча беш жылга кесилип, анын 4,5 жылын абакта өткөрдү. Калган 1,5 жылын эми ал шарттуу түрдө абактан сырткары өткөрөт.
2017-жылдын 2-августунда Бишкектин Биринчи май райондук соту "Элдик парламент" оппозициялык кыймылынын мүчөлөрү Бекболот Талгарбеков менен Төрөбай Колубаевге 14 жылдан жаза мөөнөтүн берген.
Быйыл 8-февралда Жогорку сот Талгарбековдун жаза мөөнөтүн 9 жылга кыскартып, 5 жыл болуп белгиленген. Соттун чечими чыкканга чейинки убактылуу кармоочу жайда отурганы жана буга чейинки отурганы эсептелгенде саясатчынын мөөнөтү быйыл бүтөт. (KR)
