"Ethiopian Airlines" авиакомпаниясынын кыйраган учагындагы 149 жүргүнчү жана экипаждын сегиз мүчөсү каза тапканы кабарланууда.
ВВС жана башка эл аралык маалымат каражаттары билдиргендей, баш калаа Аддис-Абебадан Кениянын борбору Найробиге учкан "Боинг-737" учагы 10-мартта эртең менен абага көтөрүлгөндөн алты мүнөт өткөндө кырсыкка кабылган.
Авиакомпаниянын маалыматына ылайык, учакта 33 улуттун өкүлдөрү болгон.
Эфиопиянын премьер-министри Абий Ахмед каза тапкандардын жакындарына көңүл айтты.
Авиакырсык Бишкек убактысы боюнча 11:44тө болгон.
