Линктер

ЧУКУЛ КАБАР!
8-Декабрь, 2021 шаршемби, Бишкек убактысы 19:53

Аффинаж заводунан алтын жоголду


Иллюстрациялык сүрөт.

«Кыргызалтын» ишканасынын аффинаж заводунан табылган алтын боюнча сотко чейинки териштирүү башталды.

Башкы прокуратуранын маалыматына караганда, 2018-жылдын сентябрь айында заводдо тактоо иштери жүрүп жатканда имараттардын биринен желим баштыкка оролгон, салмагы 1632,1 граммдык сары түстөгү металл табылган. Бирок технологиялык иштетүүгө жөнөтүлгөндө анын салмагы 1611,2 грамм, башкача айтканда, дээрлик 21 граммга кем жазылган.

«Ишкананын жетекчилиги кызматтык териштирүү гана жүргүзүп, окуяга юридикалык баа бериш үчүн материалдарды укук коргоо органдарына жөнөтпөй койгон» деп билдирди башкы көзөмөл органы.

Башкы прокуратура тиешелүү материалдарды өзү чогултуп, бул фактыны Кылмыштар менен жоруктардын бирдиктүү реестрине каттатты. Териштирүү Жазык кодексинин «Уурулук аракети» жана «Коммерциялык же башка уюмда ыйгарым укуктарын кыянаттык менен пайдалануу» беренелеринин негизинде жүргүзүлөт. (RK)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG