Линктер

ЧУКУЛ КАБАР!
27-Февраль, 2021 ишемби, Бишкек убактысы 17:04

КСДП: Аксы окуясын эскерүүгө Атамбаев катышат


Алмазбек Атамбаев.

Кыргызстан социал-демократиялык партиясы (КСДП) 17-мартта партиянын катчылыгы отурган «Медиа-Форум» имаратында КСДПнын төрагасы, экс-президент Алмазбек Атамбаевдин катышуусунда Аксы окуясын эскерүү иш-чарасы өтөрүн кабарлап, расмий билдирүү таратты.

«Үй-бүлөлүк-кландык режимге каршы күрөшүп жүрүп каза болгондорду эскеребиз», - деп айтылат билдирүүдө.

Анда айтылгандай, иш-чарага окуянын катышуучулары, саясий жана коомдук ишмерлер катышат. 17 жыл мурдагы окуяны эскерүү жекшемби күнү саат 11:00дө башталат.

Мунун алдында өздөрүн Аксы окуяларынын катышуучулары деп тааныштырган бир нече адам Бишкекте басма сөз жыйынын өткөрүп, бул окуяны эскерүүнү саясий тирештин куралына айлантпоого чакырышкан.

2002-жылдын 17-мартында Аксыда бийликке каршы чыккан элге ок атылып, алты адам курман болгон. Анда ошол кезде камакка алынган депутат Азимбек Бекназаровду бошотуу жана Үзөңгү-Куушту Кытайга бербөө боюнча талаптар коюлган. (ErN)

Пикирлерди көрүңүз (37)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG