Бишкектин Ала-Тоо аянтында өтүп жаткан Нооруз майрамын калаа башчысы Азиз Суракматов ачып, кыргызстандыктарды майрамы менен куттуктады.
«Нооруз - жаңы демдин, жакшылыктын белгиси. Алдыда чоң максаттар, шаардыктар ишке ашырчу көп пландар бар. Шаарды өнүктүрүү боюнча багыт алып жатабыз. Ал ишке ашып кетсин», - деди Суракматов.
Нооруз майрамынын негизги бөлүгү борбордук Ала-Тоо аянтында белгиленип жатат.
Аянтта кол өнөрчүлөрдүн улуттук баш кийими - элечектин сүрөт көргөзмөсү уюштурулган. Андан тышкары чыгыш элдерине тиешелүү кол өнөрчүлүк буюмдардын көргөзмөсү болот.
Андан тышкар «Ак-кула» ат майданында көкбөрү жана улуттук ат оюндары өтөт. (BTo)
