Бишкекте журналист, мурдагы аткаминер Бабырбек Жээнбековдин сөөгү жерге берилди. Коштошуу зыйнатына бийлик өкүлдөрү, саясатчы, коомдук ишмерлер катышып, анын журналистикага кошкон салымын белгилешти.
Бабырбек Жээнбеков 68 жашында дүйнөдөн кайтты. Маркум акыркы жылдары узакка созулган дарттан жабыркап жүргөн. 2018-жылы Түркияга барып операция болуп келген.
Жээнбеков эмгек жолун 1967-1968-жылдары Талас облусунун Киров районундагы мектептен баштаган. Ал «Алиби» жана башка бир нече гезиттерди негиздеген. 2013-жылы кыргыз өкмөтүнө караштуу Монополияга каршы жана атаандаштыкты тескөө боюнча агенттикти жеттектеген. (TSh)
