Линктер

ЧУКУЛ КАБАР!
2-Декабрь, 2021 бейшемби, Бишкек убактысы 15:52

Бишкекте Кара-Суу районунун жергиликтүү бийлигин айыптаган акция өттү


Акциянын катышуучулары.

Жогорку Кеңештин имаратынын алдында Ош облусунун Кара-Суу районунан келген жыйырмадай киши бул райондогу жер сатуу боюнча фактыларды териштирүүнү талап кылып нааразылык акциясына чыкты. Чогулгандар «Жогорку сот, коррупционерлерди, жер саткычтарды колдобогула! Президент, депутаттар эл менен жолугушсун!» деген жазууларды көтөрүп турду. Алар бийликтен Кара-Суу районунун акимине, прокуроруна, сотторуна жана Папан айыл өкмөтүнүн башчысы менен жооптуу катчысына чара көрүүнү талап кылышты. Чогулгандар бул адамдарды жер сатууга байланыштуу айыптап жатышат.

- Биз Папандын айыл өкмөтү мыйзамсыз жер сатканы үчүн Ош облусунун прокуратурасына, Кара-Суу районунун прокуратурасына, сотуна, ички иштер башкармалыгына кайрылдык. Эч кандай жыйынтык болбогондуктан президенттин чечип беришин өтүнүп бул жакка келдик, - деди нааразылык акциясына чыккандардын бири Рахманали Бусурманкулов.

Алардын айтымында, жергиликтүү тургундар бул маселени бир жыл сегиз айдан бери көтөрүп келатышат.

Бирок Кара-Суу районунун акими Тилек Матраимов жогоруда айтылган дооматтарды четке кагып, «Азаттыкка» бул боюнча укук коргоо органдары тийиштүү текшерүүлөрдү өткөргөнүн маалымдады. (AlS/TSh)

Пикирлерди көрүңүз (9)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG