Линктер

ЧУКУЛ КАБАР!
18-Апрель, 2021 жекшемби, Бишкек убактысы 17:12

«Электр станциялары» ишканасынын директорунун жакындары дарыгерлерди айыптоодо


Аскар Эшимбеков.

«Электр станциялары» ишканасынын директору, маркум Аскар Эшимбековдун аялы Фатима Эшимбекова күйөөсүнүн өлүмү үчүн Мамакеев атындагы улуттук хирургиялык борбордун айрым дарыгерлерин айыптап жатат. Ал дарыгерлерди жоопкерчиликке тартууну суранып, президент баш болгон бардык бийлик бутактарына ачык кат жазды.

Фатима Эшимбекованын сөзүнө караганда, күйөөсүнө 15-мартта «оор аппендицит» диагнозу коюлуп, операция жасалган. Операциядан бир нече күн өткөндөн кийин анын ден соолугу начарлап, 20-март күнү инфаркттан каза тапкан. Эшимбекова Улуттук хирургиялык борбордун айрым дарыгерлерин «убагында так диагноз коюп, тийиштүү чара көргөн эмес» деп айыптоодо.

Ал өз кайрылуусунда Аскар Эшимбековдун артында төрт баласы калганын, күйөөсү көп жылдардан бери өлкөнүн энергетика тармагында үзүрлүү эмгектенгенин белгилеген.

Анткен менен Мамакеев атындагы улуттук хирургиялык борбордун башкы дарыгери Таалай Акматов министрдин деңгээлиндеги мамлекеттик кызматкерге бардык тийиштүү медициналык жардам көрсөтүлгөнүн билдирди. Акматов Эшимбековду дарылоо учурда шалаакылык болбогонун жана жакынын жоготкон Эшимбековдун үй-бүлөсүнүн абалын түшүнүп жатканын кошумчалады.

57 жаштагы Аскар Эшимбеков былтыр май айынан бери «Электр станциялары» ишканасын жетектеп келген. Ага чейин «Түндүк электр» ишканасынын жетекчиси, Жогорку Кеңеште жана башка энергетикалык мекемелерде иштеген. (TSh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

Сунуш кылынган арга.

XS
SM
MD
LG