Бишкектеги Исанов жана Бөкөнбаев көчөлөрүнүн кесилишинде жайгашкан үйлөрдүн короосунда бак кулап, үч автоунааны басып калды.
Түндө жааган катуу жаандан улам тамыры чирип калган бак өз салмагын көтөрө албай кулап түшкөн. Окуя таңга жуук болгондуктан эч ким жабыркаган жок.
Учурда окуя болгон жерде «Бишкек жашылдандыруу чарбасынын» кызматкерлери иштеп жатат.
Автоунаа ээлери тарткан чыгымын төлөп берүүнү шаардык мэриядан талап кыларын айтышууда. (JJo/KR)
