Бүгүн, 7-апрелде «Ата-Бейит» мемориалдык комплексинде апрель окуяларын эскерүү иш-чарасы өттү.
Ага президент Сооронбай Жээнбеков, экс-президент Роза Отунбаева, парламенттин төрагасы Дастанбек Жумабеков, премьер-министр Мухаммедкалый Абылгазиев, Жогорку соттун төрайымы Гүлбара Калиева жана революцияда курман болгондордун жакындары катышты.
Апрель окуясында шейит кеткендерге Куран окутулуп, «Ата-Бейитте» сөөгү коюлгандардын эстелигине гүлчамбар коюлду.
2010-жылы 7-апрелде Кыргызстанда Курманбек Бакиев башында турган бийлик көтөрүлүш жолу менен кетирилген. Анын алдында аянттагы нааразылык акциясына чыккан элге ок атылып, ошол күнү кеминде 87 кишинин өмүрү кыйылган. (BTo)
