10-апрель күнү катуу жааган жамгырдан улам коктулардан аккан суу ички чарбалык арыктан ашып, селге айланган. Натыйжада сел райондун Багыш айыл аймагына караштуу Караган жана Кызыл-Туу айылдарындагы 9 үйдүн короосун каптаган.
Кырсыктын кесепетин жоюуга Өзгөчө кырдаалдар министрлигинин Сузак райондук бөлүмүнөн тиешелүү техника тартылып, учурда 35 куткаруучу жергиликтүү тургундар менен чогуу иштеп жатышат.
Натыйжада селдин нугу башка каналга бурулуп, арыктын жээктерин бекемдөө иштери жүргүзүлдү.
Учурда селдин кесепеттери жана келтирилген чыгымдар аныкталып жатат. (ZKo)
