Линктер

ЧУКУЛ КАБАР!
22-Апрель, 2021 бейшемби, Бишкек убактысы 19:42

Москвада Кыргызстандын жараны киши колдуу болду


Иллюстрациялык сүрөт.

Кыргызстандын Орусиядагы элчилиги Москва шаарында болгон кылмышка байланыштуу жергиликтүү укук коргоо органдарына кайрылды. Элчиликтин маалыматына караганда, 11-апрелде Москванын түндүк-чыгыш тарабындагы көлмөдөн кишинин сөөгү табылган. Иликтөө учурунда ал катуу сабалып өлтүрүлгөнү аныкталган.

Көлмөнүн жээгинен канга боёлгон таштар, рюкзак, бут кийим, документтер жана 500 рубль акча табылган.

Маркум 29 жаштагы кыргызстандык болуп чыкты, Москвада ал эч жерде иштечү эмес. Бул окуя боюнча «Атайылап киши өлтүрүү» беренеси менен кылмыш иши козголду.

Мамлекеттик миграция кызматынын маалыматы боюнча, былтыр Кыргызстанга чет мамлекеттерден эки жүздөн ашуун мигранттын сөөгү келген. Анын 90% Орусиядан. (ZKo)

Пикирлерди көрүңүз (17)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG