Бүгүн 15-апрелде Казакстандын президенти Касым-Жомарт Токаевдин Өзбекстандагы алгачкы мамлекеттик сапары башталууда.
Ташкентте ал өзбек президенти Шавкат Мирзиёев менен жолугуп, ортодо бир катар маанилүү документтерге кол коюлары, социалдык-экономикалык кызматташтыктан тышкары транзиттик-транспорттук алака тууралуу кеңири сөз болору айтылды.
19-мартта Казакстандын мурдагы президенти Нурсултан Назарбаев кызматтан кетип, анын ордуна парламент төрагасы Касым-Жомарт Токаев келген.
Мамлекет башчысы болгондон кийин Токаев алгач расмий сапар менен Орусияга барган. (RK)
